Author Archives: Maria De Coo

Piruleta no Primavera do cine

A todo o equipo de Piruleta Vermella  énchesenos o peito ó pensar nas novas que vos traemos. A próxima semana estaremos, nada máis e nada menos que na 4ª edición do Festival Primavera do Cine organizada pola asociación Reencanto Producións na nosa cidade.

Trátase dun festival de obras audiovisuais galegas que consta de tres categorías diferentes nas que participar: curtametraxe, longametraxe e videoclip. A nosa curta será proxectada xunto a “Fadas e dragóns”, “The Fetch” e “Malas vibraciones” o vindeiro martes 2 de xuño no auditorio do concello ás 18:30. Pero para que ninguén de vós quede coas ganas podedes disfrutar da nosa curta e da marabillosa actuación das súas actrices o mércores 3 ás 19:40 ou o venres 5 ás 18:15 no Museo MARCO.

O  noso proxecto conta a historia dunha ” viúva de vivos” chamada Sara, quen é unha mestra de mediana idade , obsesionada por Tomás, o seu amor de xuventude, que un día emigrou a América. A historia está baseada no libro homónimo de Xosé Neira Vilas, guionizada por Fina Casalderrey e protagonizada e dirixida por Uxía Blanco. Contando con estes persoeiros a calidade do proxecto está asegurada!

Agardámosvos alí a todos e a todas (e ós vosos votos tamén, non os esquezades)!!

 

 

PEQUENAS INICIATIVAS

O pasado sábado rematamos o mes en Dinamo coworking cunha especialísima sesión das que nos gusta facer a nós. O noso traballo audiovisual é de todos e para todos, incluso para os que aínda non o controlamos tanto como os nosos colaboradores máis avanzados pero, grazas a eles, podemos achegarnos a este marabilloso mundo pouco a pouco.

Gran parte do noso equipo uniuse nunha sesión do nunca visto na nosa asociación. Comezamos a mañá cunha charla do noso equipo máis técnico sobre algúns dos aspectos máis importantes da edición de curtametraxes. Historia, planos, erros máis frecuentes, importancia do son e da música… foron algunhas das cousas que os nosos piruletos máis recentes aprenderon da mano de Diego de Coo mentres que con Xoán Vidal se achegaron ó complicado mundo da montaxe e todo o que iso implica tanto de traballo previo coma da montaxe propiamente dita.

Imágenes del curso de Montaje y Maquillaje de www.piruletavermella.com

E por se toda esa información non fose suficiente, apuntáronse a un segundo asalto finalizando así a mañá cunha masterclass da nosa maquilladora Olga Isorna, descubrindo todo o que pode significar a cor nun único plano, por non falar da fantástica sesión teórica da maquillaxe nas produccións audiovisuais.Imágenes del curso de Montaje y Maquillaje de www.piruletavermella.com

Non queremos esquecer todo o traballo previo realizado pola nosa produtora Blanca García quen foi a encargada de mobilizar ós mozos e mozas así coma ó noso equipo. Sen toda a súa labor, case sempre obviada por aqueles que descoñecemos este mundo, nada podería chegar a bo porto. Agradecer finalmente a implicación por parte de todos e todas os asistentes e todo o seu interese, tanto previo como durante a mañá, non perdendo nunca o sorriso nin a enerxía.

Imágenes del curso de Montaje y Maquillaje dewww.piruletavermella.com

Sen eles o noso traballo non sería posible!